رمضان كريم بخيرة ولمته واكلات وعزومات والكل بيفكر دايما باللحمه والفراخ لكن الدكتور أحمد أبو النصر كان له نصائح غاليه جدا فى نوعيات الاكل وكان نصيب الفاصوليا البيضاء كبير أنت مقصر فى حق عضلاتك طالما كتبت فى فوائد البسلة و الفول و الحمص و الشوفان والعدس و تقريبا بترجا الناس يوميا إنهم يحافظو على تناول البقول يوميا حتى لا تفقد عضلاتك فمعظم الأمراض تنشأ من إنهيار لحمك وضعفه مثلا الخشونة ضعف فى الأربطة و العضلات ودول لحم . تصلب الشرايين تليف فى الشرايين ودا لحم. الإنزلاق الغضروفى تهتك فى عضلات و أربطة وغضاريف ضهرك ودول كلهم لحم . وهكذا اذا كنت مهتم بإنك تحافظ على أكبر قدر ممكن من الصحة فتناول اللى يبنى اللحم البروتين النباتى البيض المسلوق الجبنة القريش الزبادى وبس هتقولى بس يادكتور الفراخ السمك اللحوم هقولك ان البقول زى الفاصوليا ربنا خالقها مكتملة الأركان للتمثيل الغذائى ليك والتمثيل الغذائى تعنى أنت لو كلتها تتحول فى جسمك إلى لحم لغناها بالنشويات اللى بتساعد الجسم على التمثيل ده . ناهيك ان اللحوم بتلهب الجسم عكس البقول البقول لا فيها دهون مشبعه و لا شئ ملهب للجسم دى بتسحب الإلتهاب لغناها بالألياف . اللحوم بتزود الحمل على الكلى أما البقول فبتسحب الحمل من الكلى بتشتغل على إنها كلية ليك غذائية اللحوم بترفع ضغط الشرايين و البقول بتعالجه . البقول مش بس بتبنى العضلات دى كمان بتحافظ عليها لغناها بالبوتاسيوم و النشويات المطلوبة لبناء النشا الحيوانى العضلى الجليكوجين اللحوم مفيهاش الكلام ده . حلو أوى تيجى بناء على المقدمة العسلية دى ناخد بيانات طبق مطبوخ من الفاصوليا البيضا وزنه ١٨٠ جرام جسمى هيستفاد منه إزاى ؟ ١- السعرات ٢٥٠ سعر حرارى . ٢- الألياف ١٢ جرام حوالى ٤٠٪ من احتياجات جسمك . ٣- البروتين ١٨ جرام حوالى ٣٥ ٪ من احتياجات جسمك . ٤- الحديد ٧ ملليجرام حوالى ٣٥٪ من احتياجات جسمك . ٥- الحمل على الكلى سالب ١٠,٢٪ بتسحب السموم من جسمك زيها زى الكبد والكلى بتشتغل كأنها كلى طبيعية وهيه سبحان الله شبه الكلى فعلا . ٦- معامل الإلتهاب سالب ٤٤ بتسحب الإلتهاب من جسمك . ٧- البوتاسيوم ١٠٠٠ ملليجرام ممتازززززززز طبق الفاصوليا هيديك ٢٥٪ من احتياجك من البوتاسيوم . ٨- أكتر الاحماض الامينية فى بروتين الفاصوليا هوه الفينيل الانين اللى بيبنى صبغة الجلد ويمنع العجز و اللى بيبنى هرمونات الغدة و يمنع الكسل و السمنه . وأخيرا الفاصوليا البيضاء فيها مادة فعالة اسمها فاصولامين بتحرق السكر والدهون . رجاء حافظ يوميا على تناول واحد من الحبوب النافعة و البقول المهمة لصحتك و بلاش حوار العيش والسكر بس فى أكلك جسمك هينهار لا محالة و إصلاحه بيكون صعب و بياخد وقت . إذا كنت ممن بيجلهم نفخة من اكل البقول فضف عليها توابل الكمون ربنا خالقه ليك لعلاج الإنتفاخ و اهتم بإضافة الزيوت الطبيعية ليها بعد الطبخ زى السمنة البلدى و زيت الزيتون و زيت بذور الكتان الزيت الحار دى كلها زيوت طبيعية ممتازة بتسحب الغازات من الأمعاء على سطحها . شير لغيرك وقوله طبق الفاصوليا بملك الدنيا . دمتم بصحة
