أبناؤك هم الثمن
أبناؤك هم الثمن
كتبت/شمس فتحى
دستور لكل رجل خليك فاكر
الحقيقة دي كويس
الأم هي ميزان البيت النفسي
لو هي متزنة ومبسوطة
البيت كله بيبقى أمان
ولو هي مكسورة البيت كله بيقع
لما بتجرح زوجتك بإهانة
أو بتجاهل أو بضغط نفسى مستمر
إنت مش بتأذيها هي وبس
إنت بتستنزف طاقتها والطاقة دي هي نفسها اللي ولادك محتاجينها عشان يكبروا أسوياء
إنت كده بتقطع عنهم مصدر الأمان والحب بتاعهم من غير ما تقصد
عمرك سألت نفسك ليه إبني شكله أكبر من سنه؟
ليه عينه دايما على أمه وبيتابع ملامحها؟
لأن الطفل لما بيشوف أمه موجوعة بيتحول غصب عنه لـ “منقذ”
بيسيب لعبه وضحكته وطفولته
ويمسك دور الكبير
بيحاول يضحكها يهديها يشيل عنها
بيبقى “السند” بتاع أمه بدل ما يكون هو اللي بنسنده
يا راجل البيت
الطفل اللي طفولته ضاعت وهو بيطبطب على قلب أمه المكسور بسببك
بيكبر شايل فوق ضهره حمل مش بتاعه روحه بتتعب قبل أوانها
إحترامك لزوجتك = حماية لولادك
راحة البيت بتبدأ من إحساسها بالكرامة والأمان معاك
ما تخليش ولادك يدفعوا تمن خناقات إنت اللي اخترتها
كن إنت السقف اللي مغطيهم
مش الإيد اللي بتكسره فوق راسهم
