إنك تتعلم تكتفى بنفسك ده مش انطوائية أو عزلة بعض الأحيان بتكون ضرورة في زمن كتر فيه المخادعين وأصحاب المشاعر المزيفة. ده أسلوب راحة بال لك وحماية. تدخل جوه قوقعتك كده عشان تحس بسلام بعيد عن اى صداع أو وجع دماغ أو دوشة.
وقت ما تحب تطلع من قوقعتك تطلع .تاخد بريك تختلط فيه بالناس بحدود.تغير من مودك شوية. اللي هو قرب مش هيضر وفى نفس الوقت فى مسافة بينك وبينهم.
ده مش غرور زي ما ناس كتير ممكن تفسره ويقولوا فلان أو فلانه شايفين نفسهم علينا .
لأ ده عشان الإنسان ده اتخذل كتير من إللي حواليه وعرف قيمة نفسه كويس، وفهم أنه خسارة فى اللي حواليه واكتفى بقربه من اللى يستاهلوا اللي عددهم اقل من اصابع كف الايد الواحدة.
