انما هم امم امثالكم ولكن لا ينطقون

كتب عمرو طير البر

انما هم امم امثالكم ولكن لا ينطقون

تعرف القليل منا انه في دوله كوستاريكا

مخصصين منطقه اسمها (ارض الضالين )

Territorio de laguates

وهي عباره عن منطقه بينقلوا لها كلاب الشوارع ومحولينها لجنه ليهم وعاملين لهم بيوت وبيجيبوا لهم فيها اكل وشرب وكل ما يلزم لهم من حياه

وفيها موظفين بتشتغل توفر لهم خدمات الكلاب والعمل تطوعي تماما وبدون اي اجر !!

وكل الاحتياجات بتاعه الكلاب بيمولها مواطنين عاديين من التبرعات

اتمني في يوم من الايام يبقي عندنا زي كده والغاوي يروح وقتها يقعد مع الكلاب وياكلها

الكلاب اللي بتمشي في مجموعات مش ضاله خالص ولا مسعوره ابدا وهي مهمه جدا في المناطق القريبه من الارض الزراعيه لانها بتحمي من الديابه والفئران والثعابين وبتعمل توازن بيئي!

وللاسف زي ماهو واضح في حياتنا كلنا ان الانسان هو اللي بياذيهها دائما !!

دي مخلوقات ربنا ومن اول ما شركه النظافه استلمت عملها الجديد وهذه الكلاب والقطط كمان مش لاقيين اكل علشان كده بيخرجوا يدوروا علي اكل

وهم مش موءذيين ولا حاجه والله

وياريت كل واحد يحاول يحط لهم اكل ومياه لله

وهو ازعاجهم عند بعض الناس صوتهم فقط ويجروا عليك لانك غريب عنهم وعن منطقتهم فقط لاغير ولما بيعرفوك جرب مره تعطيهم شويه مياه اواكل مناسب ليهم ولو قليل

الطب البيطري رحيم بهم ولا يستطيع قتلهم ولاقانون

والله جعانين ومافيشي طعام خالص لهم

دول مش كلاب ضاله ولا حاجه واللي يقدر ينزل لهم بقايا طعام ونحط امام البيوت اناء فيه ماء والله ربنا حيرحمنا

وتسمي الطوبه او قالب الطوب اوعصايا مثلا وتنزل علي كلب فيهم ويترعبوا كلهم ويمشوا لبعيد لانهم ليهم روح ومشاعر وعايزين ياكلوا ويشربوا زينا وروح خلقها ربنا ولها فوائد كثيره في السلم وفي الحرب كالحراسه واكتشاف المجرمين والمخدرات ومساعده الجنود الخ

وتملك الوفاء العظيم والحب والاخلاص وانظر لحبهم للاطفال والكبار بالاحساس بالامان والكلب مثل الطفل لما تلعب وياه. حتشوف البراءه كلها

بس مش من اول مره لابد من ان ياخذ الامان منك ويحبك اولا العطف والحنيه للامان !!

احنا مش اشترينا الارض من ربنا دي مخلوقاته هتحاربوا ربنا وتقتلوها والعياذ بالله !!!

الكلاب بدور علي اكل وجعانه يعني عاوزه تاكل زيك تمام لو اديتهم رغيف انت او ابنك حيحرسوه رايح جاي

الكلاب البلدي لا بتعض ولا اي شيء غلابه خالص

ارحموهم علشان ربنا يرحمنا

والقتل الفوري في الحال فقط للكلب العقور من الغوامس الخمسه واشباهها كاالحيه والغراب والذئب والديب والعقرب والحداه ولكن الكلاب الضاله ليست مؤذية خالص بالعكس والله مسالمين جدا بس تعطيهم الامان حيكونوا مثل الطفل الصغير وياك

حتقولي طيب والناس الغلابه اللي في الشوارع بيشحتوا فلوس ولقمه عيش ياكلوها ومش لاقيين لقمه ياكلوهاليهم ولعيالهم يعني هما ولا التبرعات للكلاب الضاله اللي ذي دول كده!؟

هناك فرق كبير في الكلام والمعني

التسول اصبح تجاره ومهنه من ليس له مهنه !!

وهناك اهل الخير والجمعيات الخيريه ومعاش لمن يستحق والكلام كتير اوي في هذا الموضوع ومش عايزين نخرج من اصل العنوان الرفق بالحيوان !!

من اجل الرفق بالانسان

ارحموا من في الارض يرحمكم من في السماء

الراحمون يرحمهم الرحمان

انما امم امثالكم ولكن لا ينطقون

اعشقهم لكثره وفاءهم