المقالات والسياسه والادب
صرخة صمت

صرخة صمت
بقلم الشاعرة: عفاف مسلم
سكت القلم ولا عدشي عايز يقول يحكي
ولا الكلام مفهوم لبسنا ثوب العبط والله يكون في العون
وصبرنا صبر الجبال ع الدنيا ومآسيها
ودارينا جوه العيون دمعة ووجع مدفون
لكن خلاص السكوت فجأة صرخ ونطق
وقال يا دنيا اكتفي.. مابقاش الرخيص مضمون
صمتي اللي كان مالي المكان طاقة وخرق السحاب
لما الحمول زادت.. نطق الصخر والكون
وماعدش يفيد التغافل في زمان غدره بان
ولا عادت الطيبة تشفع في قلوب ملهاش لون
شيلنا فوق طاقتنا ياما وياما عدينا بحساب
والنهاردة الصمت ثار.. أعلن نهاية الهون
هنعيش وبكرة الفرج يمسح شقا الأيام
ونشوف تمن صمتنا في الجاي.. فرحة وعون


