بمناسبه ان احنا داخلين على شهر رمضان بالنسبه للرجاله اللي طلقوا ستتهم يا ترى كلمتوا ولادكم وسالتوهم محتاجين ايه او اجيب لكم ايه او هبعت لكم فلوس عشان تشتروا اللي انتم محتاجينه ولا طلقتهم هم كمان مع امهاتهم طب بالنسبه للاخ اللي مقطع اخته كلمت اختك وسالت عنها شفت احوالها محتاجه حاجه زعلانه من حاجه حسستها انك سند ليها بعد ربنا وبعد ابوها ولا هي كمان ماتت ودفنتها وانت بتدفن ابوك طب والعم اللي اخوه مات شفت ولاد اخوك محتاجين ايه سالت عنهم حسستهم انك جنبهم بعد ابوهم ما مات ولا هم كمان ماتوا واتدفنوا مع ابوهم بيقولوا الخال والد طب الخال سال على ولاد اخته حسسهم فعلا انه زي ابوهم وان اللي قال الخال والد ما كذبش ولا هو مجرد كلام طب الاخوات اللي عاملين حسب على اختهم ومقاطعينها سالته على اختكم في دخله رمضان جبرته بخاطرها حسستوها انها مش لوحدها ولا كبريائكم منعكم طيب الام اللي بتفرق بين ولادها كلمتي بنتك وقلت لها كل سنه وانت طيبه ما تخافيش انا جنبك ولا هي مش في الحسبه سيسالكم الله عن كسر الخواطر سيسالكم الله عن قطع الارحام سيسالكم الله عن اعين باتت باكيه الما من افعالكم سيسالكم الله عن قلوب تمزقت الما وحسرا من قسوتكم نعم سيسالكم الله عن هؤلاء فانهم وصيه رسول الله وانتم خلفتموها صلوا ارحامكم قبل فوات الاوان فوالله سياتي يوم لن ينفع فيه ندما
