مطبخ الكنانة ” سلطة المحمرة

بقلم د. الاء مهدى

نجدد اللقاء مع مطبخ الكنانه وطريقة عمل

 سلطة المحمرة

 المكونات لـ 4 أشخاص:

1. 3 حبات فلفل رومي أحمر – أو فلفل حلو أحمر، لازم يكون أحمر عشان اللون

2. 100 جم عين جمل – حوالي كوب، متحمص خفيف

3. 2 معلقة كبيرة بقسماط أو توست ناشف مطحون – بيمسك القوام

4. 2 معلقة كبيرة دبس رمان – ده السر في الطعم المميز

5. 2 معلقة كبيرة زيت زيتون

6. 1 فص توم صغير

7. معلقة صغيرة كمون

8. نص معلقة صغيرة شطة – اختياري حسب الحراقة اللي تحبيها

9. عصير نص ليمونة

10. ملح حسب الذوق

الطريقة:

1. اشوي الفلفل 

اشوي الفلفل على النار مباشرة أو في الفرن على الشواية لحد ما القشرة تسود وتفق. حطيه في كيس 10 دقايق، بعدين قشريه وشيلي البذر والقلب.

2. حمصي عين الجمل

حمصي عين الجمل في طاسة تيفال دقيقتين من غير زيت لحد ما تطلع ريحته. متحمصيهوش زيادة عشان ميمررش.

3. اضربي في الكبة

حطي الفلفل المشوي + عين الجمل + البقسماط + التوم + الكمون + الشطة + الملح في الكبة. اضربي ضربات متقطعة لحد ما يبقى بيوريه ناعم بس فيه حبيبات بسيطة.

4. ظبطي الطعم 

ضيفي دبس الرمان + عصير الليمون + زيت الزيتون وقلبي. دوقي وظبطي الملح والحموضة. لو تقيلة زودي معلقة ماية.

5. التقديم 

غرفيها في طبق كبير وساوي الوش بالمعلقة. اعملي خطوط بزيت الزيتون ورشي رشة بقدونس وعين جمل مجروش على الوش.

 تكات مهمة:

– الشوي هو اللي بيدي الطعم المدخن، متستغنيش عنه وتستخدمي فلفل ني.

– دبس الرمان ميتنساش ، هو اللي بيوازن حلاوة الفلفل ويخلي الطعم مميز.

– لو مش موجود دبس رمان، استخدمي معلقة عسل + نص معلقة خل.

– بتقعد في التلاجة 4-5 أيام في علبة مقفولة.

تتقدم ساقعة مع عيش سوري، سمبوسك، كفتة، أو حتى بطاطس محمرة.