مطبخ الكنانة صنيه البطاطس بالكفته
بقلم .مريم وجدى
نجدد اللقاء مع مطبخ الكنانه وطريقة عمل
صنيه البطاطس بالكفته
بطاطس شرائح
بصل مبشور
ملح ، فلفل ، بشره جوزه الطيب
اختيارى
فلفل اخضر شرائح
طماطم شرائح
بصل شرائح
الكفته :
نص كيلو لحمه مفرومه
بصله كبيره مبشوره
معلقه توم مفروم
بقدونس
ربع كوب بقسماط
ملح ، فلفل
بهار لحمه
بابريكا
رشه بيكنج بودر او بيكنج صودا
اختيارى معلقه صغيره هريسه الشطه او رشه من الشطه المجروشه لو حبينها حاره
للصوص
كوب عصير طماطم
نص كوب ماء ساخن
معلقه كبيره صلصه
او كوب ماء ساخن مع ٢ معلقه كبيره صلصه فقط
مكعب مرقه خضار اختيارى
ملح ، فلفل
بهار مشكل
بابريكا
كمون
زبده وزيت
– بنخلط نص كميه البصل المبشور مع رشه ملح والفلفل وجوزه الطيب ونقلبه مع شرائح البطاطس ونتركها على جنب
– نخلط مكونات الكفته جيدا ثم نبدا نشكلها على شكل اقراص بنفس حجم شريحه البطاطس وندخلها التلاجه لمدة نص ساعه واما توضع مع البطاطس نيه او تشوح فى زبده يدوب تاخد لون وانا بالنسبه ليا بفضلها نيه بتكون اطعم والاختيار ليكم حسب الرغبه
– فى الصنيه بندهن سمنه وزيت ونبدا نرص شريحه بطاطس ثم كفته ثم بطاطس ولو هنضيف شرائح الطماطم والبصل والفلفل بنرصها معاهم بالترتيب ونكمل كل الطريقه كده
– الصوص متسبك عادى نشوح باقى كميه البصل المبشور وننزل عليه بالصلصه وعصير الطماطم وباقى المكونات وممكن نضيف توم حسب الرغبه ونتركها تتسبك
او نعمله نئ فى نئ ندوب مكعب المرقه فى نص كوب الماء الساخن ( ممكن بدل ذلك نضع شوربه )ثم نضع عليه الصلصه وندوبها كويس ثم نضع عصير الطماطم والبهارات
– او لو هنعملها بصلصه بس هندوب معلقتين الصلصه مع كوب ماء ساخن مكعب المرقه والبهارات ونقلب ثم نوزعها على الصنيه
– وعلى الوش نضع قطع من السمنه البلدى خطيره بندخلها الفرن لو الكفته نيه بتدخل بدون مانغطيها ولازم يكون الفرن سخن من قبل عشان الكفته متنزلش ميه ونسيبها لحد ما تاخد لون ونغطيها بالفويل حتى تمام السوا
– ولو مشوحين الكفته بنغطيها بالفويل من البدايه وبالف هنا على قلوبكم مقدما
