أغرب حاجة ممكن تحطك تحت ضغط و تفسد كل علاقاتك وممكن تدمر حياتك،هو إستمرار إنتظارك لأشياء أنت متخيل أنها لازم تحصل من اشخاص مفضلة بالنسبالك، و لما متحصلش تبدأ تعبر عن غضبك و حزنك و كمان رفضك للنوع ده من العلاقة و تبدأ حياتك تتحول لحياة مملة و كئيبة و طبعا انت هتشوف انهم هم السبب.
في علاقات علاجها في انك تهدمها، وهدمها دا هيأذيك جامد ، وهتحس ب الالم والندم ، وهيحرق صبرك وايامك ولكن إنقاذك بيبدأ من هنا.
في ناس كدا بتتقبل صدمتها بالسكوت ومبتتكلمش نهائي لحد ما فتره معينه تعدي بعد كدا بتستوعب صدمتها ولا كأن في اي حاجة بس في حاجات بتتدمر جواهم.
جوا كل واحد فينا حاجات كتير محدش يعرف عنها حاجه، حاجات بينه وبين نفسه بدون ما حد يعرف عنها حاجه ونفس الوقت يتعامل بكل طلاقة وابتسامة ولا أكن حاجه حصلت وممكن كان لسه مخلص عياط من دقيقة.
الدنيا بتمشى و مبتقفش ع حد ، و هتتفاجئ ان اللى كنت فاكر انک متقدرش تعيش من غيره هتعيش احسن من بعده و هتعرف ان في ناس ولا غالية ولا حاجة ، انت بس اللى بتبالغ فـ تقديرک ليهم ، و هتعرف ان في ناس خسارتهم مكسب ليک مش خسارة ، اعرف قيمة نفسك و حب نفسك اولا ً متجيش ع نفسك ابداً.
وحافظ على قلبك قلبك ده عامل زي بيتك ،في ناس مينفعش تدخل بيتك،وفي ناس آخرها عالباب من بره، وفي ناس آخرها معاك الريسبشن بس ،وفي ناس ممكن تحكيلهم هو عامل إزاي وإيه إللي جواه،وفي ناس ممكن تعيش معاك فيه ويكونوا جزء لا يتجزأ من البيت ده، المهم إنك تحفظ حرمة بيتك ومتدخلش فيه أي حد حافظ على قلبك ومن الحاجات المرعبة بالنسبه ليا في الحياة إن الإنسان عمره ما عرف أو هيعرف حقيقة مشاعر و نوايا اي حد اتجاهه..من أقرب صاحب لأبعد عدو you know nothing حرفياً.
احساس موجع جدا انك انت تكون لنفسك السند وتكون لنفسك السر وتكون لنفسك الفرحه وتكون لنفسك الامكانيات صعب اووي الله عز وجل لما خلقنا وجعلنا شعوبا خلقنا علشان نتكأ علي بعض احساس قاتل ومينفعش حد يقبلوا ان هو يعيط علي مخدته وتكون مخدته هي المؤنس الوحيد ليه تقبل ده اوعي تصدق حد كن لنفسك السند طب وابويا فين واصحابي فين واخواتي فين؟ اوعي تصدق حد يقولك طبطب علي نفسك انت هتبطب اول مرة وتاني مرة بعد كدا مشاعرك هتتبلد ومش هيبقي عندك القدرة انك انت تحكي لحد.
الموضوع مش فكرة احكي وحد يسمعني وخلاص .. الواحد محتاج شخص فاهمه ويكون واثق فيه وحاسس معاه ب امان وهو بيكلمه.الواحد مش محتاج أي حاجة غير إنه يبقى مستقر نفسياً، يبقى عادي، لا متوتر ولا قلقان ولا زعلان ولا مستني حاجة، ولا مفتقد حاجة، اصل
مش كل حاجه ليها بديل فـ أماكن بتفضل فاضية مفيش حد يقدر يملاها مهما حاولت، في عشرة متتنسيش بكل تفاصيلها، في مواقف بتفضل محفورة جواك بنفس احساسها، في خذلان مبيتغفرش، فـ لحظات حزينة جدًا بتشكلك وتزود نضوجك وكتير بتخليك أصعب، لحظات كنت فيها لوحدك وقت ما احتاجت وملاقتش حد جنبك.
بلاش تظهر لحد كمية الحب ال جواك نحيته او انك قد ايه ضعيف من غيره ومحتاجه فحياتك عشان هيدوس عليك ومش هيهمه انت كويس والا لا هيجي عليك عشان عارف انك متقدرش تعيش من غيره هيغلط بدل المرة الف عشان عارف انك هتسامحه هيمشي ويرجع بمزاجه لانه متاكد ان ف كل مرة هتكون دايما مستنيه فأنا لستُ البطل في قصة أحدهم ولا خيبة أمل لكل الذين رفضتهم في حياتي ، أنا الباب، الذي يتدافع إليه القادمون ومقبضي لهُ تاريخٌ حافل بالأيادي التي رفضتها.
ربنا يعين كل شخص إنه يتعافى ويعدي بسلام من كل المعارك اللي مش بيحكي عنها .
