"تعبني سهر الليل " بقلم الشاعرة ...مي فخري العبيدي قفشة شعرية باللهجة العراقية شگد صرت اكره الليل وعلى المخدة تبدي الدموع وحسبات وهموم تهد الحيل واريد عيني تأخذ النوم غصة بالروح وگلب عليل وصفنات دگعد بي ودگوم گلبي متكسر ياهو ليشيل وروح باقيه بس بالهدوم يآربي داخلة عليك دخيل شدتي اظن للأبد تدوم وبعيوني ماضل دمع يسيل وبسماي ماشفت غير لغيوم حتى لوجيل بعد جيل لازم تصفى شي يوم صح إيست بدنياتي حيل بس بيك الامل دوم يآرب فرج عنا ممانحن فيه
