المقالات والسياسه والادب
هو وهي ليه دايمًا مش فاهمين بعض بقلم / عبير عبده
في كل قصة حب، بنلاقي اتنين… هو وهي.
هو بيحب بطريقته، وهي بتحب بطريقتها،
هو بيصمت علشان يفكر، وهي بتتكلم علشان تهدى…
هو لما بيحب، عايزها تحترمه،
وهي لما بتحب، عايزاه يحتضنها بكلمة حلوة.
يمكن يباتوا زعلانين وهما بيحبوا بعض أكتر من أي وقت،
يمكن يشوفوا الدنيا من شبابيك مختلفة،
لكن في النهاية… هما الاتنين بيدوروا على نفس الحاجة: الأمان، والحنان، والحب الصادق.
وفي السطور الجاية، هنعرف ليه ساعات بيحصل الصدام، وإزاي نقدر نفهم بعض أكتر من خلال 60 فرق بيكشفولنا سر الخلاف وسحر الاختلاف.
1. هو عايز تقدير… هي عايزة اهتمام
أكتر جملة بنسمعها من الرجالة: “مش بتحترمنيش”،
وأكتر جملة بنسمعها من الستات: “مش بيحبني!”
الراجل بيعيش على التقدير، والست بتتنفس من الاهتمام.
2. هو بيشوف البيت راحة… هي بتشوفه شغل
البيت بالنسباله محطة هدوء… ولها، ميدان حرب يومي ما بين طبيخ وتنضيف وتربية.
3. اختلاف في طريقة التفكير والتعامل
الراجل تفكيره تسلسلي، ينجز مهمة وبعدين يدخل في التانية.
الست مخها متعدد المهام، تذاكر، تطبخ، وترد على المكالمات في وقت واحد.
الراجل يحب يخطط قبل ما يتكلم، الست تتكلم علشان تهدى وتفكر.
4. وقت الشراء… فرق مش قليل!
هو بيخش يشتري الحاجة ويطلع،
هي تفضل تلف وتقارن وتدور… لأن التفاصيل بتفرق معاها.
5. الحوار بالنسبالهم بيخدم هدف مختلف
الراجل بيتكلم علشان ينقل فكرة،
الست بتتكلم علشان توصل إحساس.
6. المشاعر… والاحتياج
الراجل بيبان حبه في حمايته ونصايحه ومساعدته،
الست بتبان محبتها في حضن دافيء، ولمة، وأكله بتحبه.
7. الرغبات مختلفة لكن ممكن تتقابل
هو بيطلب العلاقة…
هي بتطلب كلمة حلوة، نظرة حب، حضن صادق.
8. مصادر القوة مختلفة
هو قوته في تحمله للمسؤولية.
هي قوتها في ضعفها اللي بيحرك فيه الرجولة.
9. في التعب… شكل الرعاية بيتغير
لو هو عيان، تحضنه وتحسسه إنه طفلها.
لو هي تعبانة، يجيب دوا ويهتم براحته.
10. الحب الأول… والولاء
أول حب في حياة الراجل هو أمه، وبيكره اللي يقرب منها.
أول حب في حياة الست هو أبوها، وبتتوجع من أي كلمة عليه.
11. هو بطلها… وهي أميرته
الراجل بيحب اللي تشوفه بطل وتثق فيه.
الست بتحب اللي يعاملها كملكة ويدلعها بكلمة.
12. هو عقل… هي عاطفة
ميزان الراجل دايمًا هو العقل،
وميزانها دايمًا هو القلب.
13. هو يصالحها بكلمة… هي تصالحه بجسدها
وده مش ضعف من الطرفين، دي لغة كل حد فيهم للتعبير عن الحب.
14. في النهاية… الهدف واحد، لكن الطريق مختلف
هو بيشتغل ويتعب علشان يشوف السعادة في عينيها.
هي بتعيش علشان تكون الوحيدة في قلبه.
