مطبخ الكنانة الكشري الإسكندراني 

بقلم مريم وجدى

نجدد اللقاء مع مطبخ الكنانة وطريقة عمل

 الكشري الإسكندراني 

المقادير:

3 كوب أرز – 1.5 كوب عدس أصفر – بصلة مفرومة – زيت – ملح – كمون – مياه سخنة.

الصلصة: ثوم مفروم، سمنة، زيت، طماطم معصورة، ملح، كمون، بابريكا، شطة، ½ م ص سكر.

الدقة: ثوم متحمّر، خل، ليمون، مياه، ملح، كمون، كزبرة.

للتقديم: بيض مسلوق.

الطريقة:

نشوّح البصلة في الزيت، ننزل بالعدس المغسول من غير سلق ونقلّب، نضيف الأرز والملح والكمون، نزود مياه سخنة على قد الخليط، نسيبه يغلي ثم نهدّي النار لحد ما يستوي ويشرب.

للصلصة: نشوّح الثوم في السمنة والزيت، نضيف الطماطم والتوابل والسكر ونسيبها تتسبك.

للدقة: كل المكونات تغلي غلوة خفيفة.

يقدّم الكشري بالصلصة والدقة والبيض المسلوق.

 سر الطعم: العدس بينزل مع الأرز ويتشوّح… ده الكشري الإسكندراني الصح