مطبخ الكنانة قطع دجاج بالثوم والليمون مع مكرونة ألفريدو

بقلم . مريم وجدى

نجدد اللقاء مع مطبخ الكنانة وطريقة عمل

قطع دجاج بالثوم والليمون مع مكرونة ألفريدو

المكونات:

للدجاج:

 • 500 جم قطع دجاج فليه

 • 4 فصوص ثوم مفروم

 • عصير 1 ليمونة + بشر ليمونة

 • 2 معلقة كبيرة زيت

 • 1 معلقة صغيرة بابريكا

 • 1 معلقة صغيرة أوريجانو

 • ملح وفلفل

 • 1 معلقة صغيرة زبدة في الآخر

لصلصة الألفريدو:

 • 2 معلقة كبيرة زبدة

 • 3 فصوص ثوم مفروم

 • 1 كوب كريمة طبخ

 • ½ كوب جبنة بارميزان مبشورة

 • رشة جوزة الطيب (اختياري)

 • ملح وفلفل

 • مكرونة فيتوتشيني أو أي نوع تحبه (مسلوقة)

طريقة التحضير:

الدجاج:

 1. تبّل الدجاج بالثوم + عصير الليمون + بشر الليمون + الزيت + البابريكا + الأوريجانو + الملح والفلفل.

 2. سخّن طاسة على نار عالية، وانزل بالدجاج وشيّحه لحد ما ياخد لون ذهبي.

 3. هدي النار، وضيف معلقة زبدة في الآخر وقلبه دقيقتين علشان يلمع ويتشرب النكهة.

صلصة الألفريدو:

 1. في طاسة تانية، سيّح الزبدة وضاف الثوم يشوح لثواني.

 2. ضيف الكريمة وسيبها تسخن.

 3. ضيف البارميزان وسيب الصوص يتقل.

 4. ملح وفلفل وجوزة الطيب.

 5. قلب المكرونة في الصوص.

التركيب النهائي:

– قدّم المكرونة الألفريدو، وحط فوقها قطع الدجاج بالثوم والليمون.

– رشة بارميزان وبشر ليمون خفيف فوق الوش… 

نصائح 

 • علشان طعم الليمون ما يمررش، متحطّش بشر الليمون على النار فترة طويلة.

 • لو عايز طعم الثوم يظهر أكتر، ضيف فص مبشور في آخر دقيقة من تشويح الدجاج.

 • يفضل استخدام بارميزان فريش… بتفرق جدًا في قوام الألفريدو.