ياجرح ما أصعبك

ياجرح ما أصعبك

بقلم……انتصار يوسف 

بالقلب الجرح ومافي كلام

عديت كل نجوم السما 

وحدها نجمة ردت السلام

جرح المحبة دائما بالقلب

مهما سكت غصة بهالقلب 

مافي حدا يمسح دمعتك

ولا ايد تمسك وتشد ايدك

وقت الفرح الكل بيكون حولك

ولما بتوقع مافي حدا حدك

هيك الدني صارت لازم تفك

ديقتك وخنقتك بتعبك

رح تتعب كتير وتحترق

ومهما ناديت بحة صوتك 

رح تجرحك رح تحرقك

ويبتعد هالصوت لبعيد

لاصدى صوتك رح ينسمع

ولا الآهات والتنهيد 

بتبقى لوحدك بعيد بعيد

بتلوح بأيدك بمنديل 

يمكن حدا يلمحوووو 

ويمكن تغيب ومافي حدااااا

لاتندهي لاصوت لاتنهيد

ياحسرة الايام رح تمرق 

بلا حب وبلا تنهيد ولا عيد 

ونضل ع مفرق الطريق

ننتظر فرحة العيد

لافرح بقي ولا وعود 

ولا أمل ولا احلام وردية

كلووووو انرسم بلون باهت

غابت المحبة وغابت النخوة 

وماعاد ينفع لا انتظار  

ولا فرح ولاوعيد

16\9\2025